ARAZ fk
<p>4 görüşdə 4 qələbə</p>

4 görüşdə 4 qələbə

20.10.2017 10:50

Naxçıvan Muxtar Respublikası Futbol Federasiyasının Naxçıvan Muxtar Respublikası Gənclər və İdman, Təhsil nazirlikləri ilə razılaşdırılmış təqvim planına uyğun olaraq futbol üzrə XVI muxtar respublika çempionatında 4-cü tura yekun vurulub.

Üç mövsümdür, çempionluq titulunu əlində saxlayan “Araz-Naxçıvan” cari ildə də iddaialı olduğunu nümayiş etdirməkdədir. Maraqlısı odur ki, Naxçıvan şəhər təmsilçisi keçirdiyi 4 görüşün hər birində rəqib qapılarından 5 top keçirib. 3-cü turda “Kəngərli” komandasının qonağı olan “qırmız-ağlar” 5:2, “Babək” komandasını isə 5:0 hesablı məğlubiyyətə uğradıb.

Yeni mövsümündə baxımlı oyun nümayiş etdirən “Babək” komandası isə turnir cədvəlində ilk üç pillədə qərarlaşan komandalardan biridir. Belə ki, babəklilər “Batabat” komandasını məğlub etməklə, xal ehtiyatını 7-yə yüksəldib. Bu xala sahib Naxçıvan Dövlət Universiteti komandası isə bir oyun az keçirib. Onlar 3-cü turda “Sədərək” komandasının qapısında 5, (5:0), səfərdə isə “Batabat” komandasının qapısında 6 top (1:6) keçiriblər.

Ötən mövsümün autsayderi “Dübəndi” komandası isə əldə etdiyi uğurlarla hamını təəccübləndirməkdə davam edir. Doğma meydanda “Arpaçay” komandasını quru hesabla məğlub edən (3:0) ordubadlılar turnir cədvəlinin üst pillələrinə yüksəlməkdədir. Cari mövsümdə “Araz-Naxçıvan” komandası ilə yanaşı məğlubiyyət acısı dadmayan digər komanda “Əlincə”dir. Culfa təmsilçisi son turda sədərəkli həmkarlarını səfərdə büdrədib – 2:4.

Cari mövsümün autsayderi isə “Batabat” komandasıdır. Şahbuz təmsilçisi keçirdiyi 4 görüşün hamısında məğlub olub.

 

Naxçıvan Muxtar Respublika Çempionatı

III turun nəticələri

 

“Dübəndi” (Ordubad) – “Arpaçay” (Şərur) 3:0

“Kəngərli” (Kəngərli) – “Araz-Naxçıvan” (Naxçıvan) 2:5

“Babək” (Babək) – “Batabat” (Şahbuz) 4:1

Naxçıvan Dövlət Universiteti – “Sədərək” (Sədərək) 5:0

 

IV turun nəticələri

“Araz-Naxçıvan” – “Babək” 5:0

“Batabat” – NDU 1:6

“Arpaçay” – “Kəngərli” 5:2

“Sədərək” – “Əlincə” 2:4


Nəticələr


3
0
20.06.2018 11:09
ƏTRAFLI

Turnir cədvəli

N klub o q h m t/f x
1 Araz-Naxçıvan 16 16 0 0 68-5 48
2 NDU 16 11 1 4 50-30 34
3 Əlincə 16 8 3 5 36-29 27
4 Dübəndi 16 6 2 8 29-36 20
5 Kəngərli 16 6 1 9 36-44 19
6 Sədərək 16 6 1 9 34-45 19
7 Babək 16 5 2 9 26-36 17
8 Arpaçay 16 5 2 9 38-45 17
9 Batabat 16 3 0 13 25-59 9

Bombardirlər

Samir Kərimov - 24 (NDU)

Turqay İbrahimov - 17 (Araz-Naxçıvan)

Tağı Seyidov - 9 (Araz-Naxçıvan)

REKLAM